... Pro sa prima borta sos indipendentistas ant àpidu in sos giornales e in sas televisiones unu rolu, una visibilidade chi in antis si la podiant solu sognare. “L’Unione” e “La Nuova” ant oramai cumpresu chi in Sardigna s’atmosfera polìtica est cambiende, sos eletores sunt semper prus istracos de sa polìtica ufitziale, si che istresiant dae sos partidos dominantes, non essint prus mancu dae sas domos pro andare a votare. Tzertu s'atentzione de sos mass media est andada mescamente a Murgia, ma nde at leadu profetu puru Devias...Una cosa chi no est pràghida a sa redatzione de “Camineras” est istada una campagna eletorale chi sos indipendentistas ant fatu sena mai - o cuasi - faeddare in sardu. In custa manera sa limba nostra sighit in s'àndala chi la podet giùghere a morrere. Nois, totus in paris, devimus leare s’impignu de frimmare custa mineta manna meda...
Commenti